Qazaqstan Respýblıkasy Bilim jáne ǵylym mınıstrliginiń buıryǵy №91 

«Bilim týraly» Qazaqstan Respýblıkasy Zańynyń 5-babynyń 19-2) tarmaqshasyna sáıkes buıyramyn: 1. Qosa berilip otyrǵan Memlekettik bilim berý uıymdarynyń bilim alýshylary men tárbıelenýshilerin oqýlyqtarmen jáne oqý-ádistemelik keshendermen qamtamasyz etý qaǵıdalary bekitilsin. 2. Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıtetiniń tóraǵasy S.N.Núsipovke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bilim jáne ǵylym mınıstri A.SÁRINJIPOV Qazaqstan Respýblıkasy Bilim jáne ǵylym mınıstriniń 2016 jylǵy 28 qańtardaǵy № 91 buıryǵymen bekitildi Memlekettik bilim berý uıymdarynyń bilim alýshylary men tárbıelenýshilerin oqýlyqtarmen jáne oqý-ádistemelik keshendermen qamtamasyz etý qaǵıdalary 1. Jalpy erejeler 1. Osy Memlekettik bilim berý uıymdarynyń bilim alýshylary men tárbıelenýshilerin oqýlyqtarmen jáne oqý-ádistemelik keshendermen qamtamasyz etý qaǵıdalary (budan ári – Qaǵıdalar) «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 19-2) tarmaqshasyna sáıkes mektepke deıingi daıarlyqtyń, bastaýysh, negizgi orta, jalpy orta, mamandandyrylǵan jalpy bilim beretin jáne arnaıy oqý baǵdarlamalaryn iske asyratyn bilim berý uıymdaryn oqýlyqtarmen jáne oqý-ádistemelik keshendermen (budan ári – OÁK) ýaqytyly jáne tolyq qamtamasyz etý maqsatynda ázirlendi (budan ári – bilim berý uıymdary). 2. Osy Qaǵıdalar respýblıkanyń bilim berý uıymdaryn oqýlyqtarmen jáne oqý-ádistemelik keshendermen qamtamasyz etý tártibin, olardy oryndaý merzimderin, memlekettik organdar (Bilim jáne ǵylym mınıstrligi (budan ári – Mınıstrlik), Bilim jáne ǵylym salasyndaǵy baqylaý komıteti (budan ári – Komıtet), onyń Bilim salasyndaǵy aýmaqtyq baqylaý departamentteri, jergilikti atqarýshy organdardyń, baspalardyń jáne bilim berý uıymdary qyzmetiniń bekitilýin aıqyndaıdy. 3. Mektepke deıingi daıarlyq, orta bilim berý uıymdarynyń jalpy bilim beretin oqý baǵdarlamalaryn iske asyratyn bilim berý uıymdarynyń barlyq bilim alýshylary áleýmettik mártebesine qaramastan, «Bilim týraly» 2007 jylǵy 27 shildedegi Qazaqstan Respýblıkasy Zańynyń 47-babynyń 3-tarmaǵynyń 7) tarmaqshasyna sáıkes bilim berý uıymdarynyń oqý jylyna boljanatyn kólemde Mınıstrlik bekitetin oqý ádebıetteriniń qorlandyrý sıkline sáıkes olardy jyl saıynǵy kezeń-kezeńimen satyp alý (rezerv qoryn esepke ala otyryp) arqyly jergilikti bıýdjet qarajaty esebinen tegin oqýlyqtarmen jáne oqý-ádistemelik keshendermen qamtamasyz etiledi. 4. Osy Qaǵıdalarda mynadaı negizgi uǵymdar qoldanylady: 1) baspa – baspa ónimin daıyndaý men basyp shyǵarýdy júzege asyratyn kásiporyn; 2) qosymsha ádebıet – Qazaqstan Respýblıkasynyń memlekettik jalpyǵa mindetti bilim berý standarty (budan ári – QR MJBS), úlgilik oqý josparlary men úlgilik oqý baǵdarlamalaryn iske asyrýǵa yqpal etetin, oqýlyq pen oqý-ádistemelik keshen jıyntyǵyna kirmeıtin basylymdar; 3) oqýlyq – oqý pánin (pándi) júıeli baıandaıtyn, QR MJBS, úlgilik oqý josparyna jáne úlgilik oqý baǵdarlamasyna sáıkes keletin jáne osy oqý basylymynyń túri retinde resmı bekitilgen oqý basylymynyń túri; 4) Bilim berý uıymdarynyń oqýlyqtarmen, oqý-ádistemelik keshendermen jáne oqý-ádistemelik quraldarmen qam­ta­masyz etilý monıtorıngi – qamtamasyz etý barysy týraly aqparatty jınaqtaý, saqtaý, óńdeý jáne taratý (bilim berý uıymdarynyń oqý ádebıetterin memlekettik satyp alý qorytyndylary, jetkizý jónindegi shart jasasýy, baspa­lardyń jóneltýi, tasymaldaýshy uıymdardyń jetkizýi, mekteptik kitaphanalarda kitap qorynyń jaǵdaıy jáne t.b.); 5) oqý ádebıeti – bilimdik, sondaı-aq rýhanı-adamgershilik jáne tárbıeleý maqsattaryna qol jetkizýge baǵyttalǵan, jeke jáne (nemese) olardyń jıyntyǵy boıynsha barlyq qabyldanǵan oqý basylymdarynyń túrlerin qamtıtyn ártúrli bilim salasyndaǵy baspa shyǵarmalar; 6) oqý-ádistemelik keshen (OÁK) – bilim alýshylardyń oqý pánderiniń mazmunyn ıgerýdi qamtamasyz etýge baǵyttalǵan jáne oqýlyqqa ilespe bolatyn oqý jáne ádistemelik basylymdar júıesi, onyń barlyq komponentteri biryńǵaı tutastyqty qalyptastyrady jáne bilim berý baǵdarlamasynyń maqsatyna qol jetkizý úshin árekettesedi (jumys dápteri; muǵalimge arnalǵan ádistemelik qural; dıdaktıkalyq materıaldar; jattyǵýlar, dıktanttar jınaǵy; kartalar; hrestomatııa; mýltımedıalyq materıaldar jáne t.b.); 7) oqý basylymy – naqty bilim berý (oqý) baǵdarlamasy boıynsha bilim berý prosesinde paıdalanýǵa arnalǵan basylym; 8) oqý-ádistemelik qural (budan ári – OÁQ) – oqý pániniń jeke elementterin zerdeleý maqsatynda oqýlyqty tolyqtyratyn nemese ishinara almastyratyn jáne osy oqý basylymynyń túri retinde resmı bekitilgen, oqý pánderiniń (pániniń) bóligin júıeli baıandaýdy qamtıtyn oqý basylymynyń túri. 2. Bilim berý uıymdaryn oqýlyqtarmen, oqý-ádistemelik keshendermen jáne oqý-ádistemelik quraldarmen qamtamasyz etý tártibi 5. «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babyna sáıkes Mınıstrlik Oqýlyqtardyń, oqý-ádistemelik keshenderiniń, quraldarynyń jáne basqa da qosymsha ádebıetterdiń, onyń ishinde elektrondyq jetkizgishtegileriniń tizbesin (budan ári – Tizbe) jyl saıyn 30 qarashaǵa deıin bekitedi jáne ony bilim berý uıymdary men baspalardyń tanysýy úshin Mınıstrliktiń saıtynda ornalastyrady. 6. Oqýlyqtar men OÁK-ni Tizbege enetin ataýy boıynsha satyp alý qorlandyrý sıkli boıynsha qajetti oqý ádebıetterin budan ári qosymsha satyp alý arqyly tolyq taralymymen 4 jyldyq sıkldiń 2 jyl merziminiń ótýi boıynsha boljanǵan bilim alýshylar kontıngentiniń jıyrma paıyzynan artyq emes kólemde júrgiziledi. 7. Respýblıkalyq bilim berý uıymdary, sondaı-aq shetel mektepterinde bilim alatyn otandastarymyz oqý­lyq­tarmen jáne OÁK-men respýblıkalyq bıýdjet qarajaty esebinen halyqaralyq sharttarǵa sáıkes qamtamasyz etiledi. 8. Bilim berý uıymdary memlekettik emes bilim berý uıymdarynyń bilim alýshylary men tárbıelenýshilerin oqýlyqtarmen jáne OÁK-men ózdiginen qamtamasyz etedi. 9. Baspalar jyl saıyn qazan aıynda Komıtetke Tizbe bekitilgenge deıin oń saraptamalyq qorytyndy men qoǵamdyq baǵalaýdy alǵan oqýlyqtar men OÁK-ke baǵdarly baǵany joldaıdy. 10. Baspalar jyl saıyn 10 jeltoqsanǵa deıin óz uıymynyń saıtynda Tizbege engen oqýlyqtar men OÁK-tiń praıs-paraǵyn bilim berý uıymdarynyń tanysýy úshin ornalastyrady. 11. Jergilikti atqarýshy organdar bilim berý uıymdarynda bilim alýshylardyń boljaldy sanyn bilim alýshylar men tárbıelenýshilerdiń kontıngentin esepke ala otyryp, kelesi oqý jylyna oqýlyqtar men OÁK-ti satyp alýǵa ótinimdi onyń negizinde qalyptastyrady. 12. Bilim berý uıymdary 30 mamyrǵa deıin oqýshylar sanyna jetkilikti bolý nysany boıynsha kitap qoryn túgendeýdi júrgizedi jáne kitap qorynan bilim alýshylarǵa oqýlyqtardy kelesi oqý jylyna beredi. 13. Jergilikti atqarýshy organdar jyl saıyn 31 qańtarǵa deıin baspalarǵa bilim berý uıymdarynan qaǵaz jáne elektrondyq jetkizgishterde kelip túsken oqýlyqtar men OÁK-ti satyp alýǵa ótinimdi joldaıdy. Tıisti ótinimderdi jasaýda oqýlyqtardy satyp alýǵa basymdyq berilýi qajet. 14. Jergilikti atqarýshy organdar jyl saıyn 1 naýryzǵa deıin bilim berý uıymdarynyń ótinimderi negizinde oqýlyqtar men OÁK basyp shyǵarýdy júzege asyratyn uıymdarmen sharttar jasaıdy. 15. Jergilikti atqarýshy organdar oqýlyqtar men OÁK-ti basyp shyǵaratyn baspalarmen «Oqýlyq basylymdaryna qoıylatyn gıgıenalyq normatıvterdi bekitý týraly» Qazaqstan Respýblıkasy Ulttyq ekonomıka mınıstriniń 2015 jylǵy 19 tamyzdaǵy № 611 buıryǵyna (Qazaqstan Respýblıkasynyń normatıvtik quqyqtyq aktilerdi memlekettik tirkeý tiziliminde № 12089) bolyp tirkelgen sáıkestigi týraly sanıtarııalyq-epıdemıologııalyq qorytyndy bolǵan jaǵdaıda ǵana shart jasasady. 16. Jergilikti atqarýshy organdar jyl saıyn 31 sáýirge deıin oqýlyqtar men OÁK basyp shyǵarýshy uıymynan bilim berý uıymdaryna deıin oqýlyqtar men OÁK-ti jetkizý boıynsha qyzmet kórsetýdiń áleýetti jetkizýshilerdi anyqtaý boıynsha memlekettik satyp alý rásimin uıymdastyryp, ótkizedi. 17. Jergilikti atqarýshy organdar jyl saıyn 1 tamyzǵa deıin mektepke deıingi daıarlyq, orta bilim berý uıymdarynyń jalpy bilim beretin oqý baǵdarlamalaryn, sondaı-aq mamandandyrylǵan jáne arnaıy túzetý jalpy bilim beretin oqý baǵdarlamalaryn iske asyratyn bilim berý uıymdaryna bilim berý organdarynyń oqý jylyna boljanatyn kólemde oqýlyqtar men oqý-ádistemelik keshenderdi satyp alý men jetkizýdi qamtamasyz etedi. 18. Jergilikti atqarýshy organdar jyl saıyn 10 tamyzǵa deıin bilim berý uıymdarynyń jańa oqý jylyna oqýlyqtarmen jáne OÁK-pen qamtamasyz etilýi boıynsha qorytyndy aqparatty Komıtetke joldaıdy. 19. Komıtet, onyń aýmaqtyq bilim salasyndaǵy baqylaý departamentteri bilim berý uıymdaryn oqýlyqtarmen jáne OÁK-pen qamtamasyz etý prosesi barysynda týyndaǵan máselelerge dereý áreket etý maqsatynda respýblıkanyń bilim berý uıymdaryn oqýlyqtarmen jáne OÁK-men qamtamasyz etýdiń monıtorıngin 1 maýsymnan 10 tamyzǵa deıingi kezeńde ár on kúndikte uıymdastyrady jáne sonyń barysynda jergilikti atqarýshy organdar jetkizý boıynsha, baspalar bilim berý uıymdaryna oqýlyqtar men OÁK-ti jiberý boıynsha málimetterdi usynady. 20. Jergilikti atqarýshy organdar qajettilik týyndaǵan jaǵdaıda aýdan, oblys ishindegi bilim berý uıymdarynyń arasynda oqýlyqtar men OÁK-ni qaıta bólýdi júrgizedi. 3. Bilim berý uıymdaryn oqýlyqtarmen jáne OÁK-pen ýaqytyly tolyq qamtamasyz etýdi buzýdaǵy jaýapkershilik 21. Kelesi oqý jylyna bilim alýshylardyń sanyn qate boljaǵan jaǵdaıda jáne sonyń saldary retinde jetkiliksiz qarjylandyrylǵanda, bilim berý uıymdaryna oqýlyqtar men OÁK-ti satyp alý boıynsha is-sharalardy buzǵany úshin Qazaqstan Respýblıkasynyń zańnamasyna sáıkes bilim salasyndaǵy jergilikti atqarýshy organdar jaýapty bolady. Buıryq Qazaqstan Respýblıkasynyń Ádilet mınıstrliginde 2016 jylǵy 26 aqpanda Normatıvtik quqyqtyq kesimderdi memlekettik tirkeýdiń tizilimine №13288 bolyp engizildi.